- Tíðindi, mentan og ítróttur
Turkaði toskarhøvd úr Noreg til Nigeria
<p>- Higartil í ár hevur Saga Fisk í Svolvær í Noregi útflutt 10-20 prosent fleiri turkaði toskarhøvd til Nigeria enn alt seinasta ár.<br><br>Tað sigur Erling Santi Falch við FiskeribladetFiskaren. Og hjá Lofoten Viking váttar Arne Mathisen gongdina.<br><br><b>Góð proteinkelda</b><br>Arne Mathisen sigur, at toskarhøvd eru ein góð proteinkelda, og í tíðum við búskaparligum ótryggleika sær út til, at bíligur matur kemur í fremstu røð.<br><br><b>Seiður og hýsa</b><br>Størsti parturin av norska útflutninginum til Nigeria er kortini vanligur turrur fiskur. Og hóast nógvur turrur fiskur í løtuni liggur á goymslu í Noregi, so bera tey ongan ótta fyri, at goymslurnar ikki verða tømdar.<br><br>Ove Johansen, marknaðaranalytikari í Ráðnum fyri Sjógæti sigur við FiskeribladetFiskaren, at hagtølini vísa, at til og við juni í ár eru útflutt 1.712 tons av turkaðum toskarhøvdum til Nigeria sammett við 902 tons alt árið í fjør. Og kostnaðurin liggur oman fyri 20 føroyskar krónur.<br></p>
