Vænta og vóna at skapa meira enn ímóti Grikkalandi

- Vit hava góðar vónir. Georgia verður ein øðvísi dystur enn ímóti Grikkalandi. Georgia hevur ikki somu styrkina sum Grikkaland, sigur landsliðsvenjarin Pætur Smith Clementsen undan HM-undankappingardystinum ímóti Georgia á Tórsvølli í dag.

Hann væntar og vónar, at føroyska liðið fer at skapa meira enn farna týsdag, tá Føroyar taptu 3-2 fyri Grikkalandi. 

Hóast Føroyar á pappírinum eru favorittar, vil Pætur Smith Clementsen ikki tosa um, at ein sigur er eitt krav. Fokus er heldur á avrikið.

- Vit fara at gera alt fyri at fáa so nógv burturúr sum møguligt, sigur hann. 

Hoyr samrøðuna við Pætur Smith Clementsen, landsliðsvenjara hjá føroysku fótbóltskvinnunum, í útvarpstíðindinum.