- Tíðindi, mentan og ítróttur
Fámará: Bíða ikki eftir løgmálaráðnum
<div>Fiskimálaráðið fer ikki longur at bíða eftir danska løgmálaráðnum í málinum um Fámara. Sakførarin hjá Johan Dalsgaard, Thorkild Høyer, vil hava avgerðina um festið útsetta, til løgmálaráðið hevur avgreitt kæruna um sjálva uppboðssøluna.</div><div><br></div><div>Nú hava partarnir í málinum fingið freist til á middegi mikudagin at koma við sínum viðmerkingum. Thorkild Høyer hevur kært, at Jens Andrias Vinther, advokatur, seldi festið á uppboðssølu fyri Búnaðarstovuna.</div><div><br></div><div><b>Kgl. fyriskipan ikki galdandi</b></div><div><br></div><div>Men Fútarætturin hevur svarað Fiskimálaráðnum, at kongaliga fyriskipanin frá 1936 um uppboðssølur er ikki galdandi í tí førinum, kært er um. Og púra óvist er, nær ein avgerð kemur úr danska Løgmálaráðnum, antin slíkar uppboðssølur eru yvirtikið málsøki og tí hoyra undir føroyska Innlendismálaráðið. </div><div><br></div><div>Fiskimálaráðið hevur tí avgjørt ikki at leingja freistina at koma við viðmerkingum til ein avgerð er komin úr Løgmálaráðnum. </div><div> </div>
