- Tíðindi, mentan og ítróttur
Grønlendingar fara út um sínar heimildir
<p>Per Stig Møller, fyrrverandi danska uttanríkisráðharranum, dámar einki, at grønlendingar brúka vitjanina hjá suðurkoreanska forsetanum at fáa sær størri uttanríkispolitiskar heimildir. Hann sigur við Berlingske, at henda gongdin er ivasom.</p><div><br></div><div>Eftir vitjanina hjá suðurkoreanska forsetanum, Lee Myung-bak, segði Kuupik Kleist, landsstýrisformaður, at vitjanin er eitt prógv fyri, at Grønland hevur styrkt sína uttanríkispolitisku støðu. Og hóast Fríðríkur krúnprinsur og Ida Auken, umhvørvisráðharri, umboðaðu Danmark í sambandi við vitjanina, er Per Stig Møller stúrin.</div><div><br></div><div><b>Hoyrir undir grundlógina</b></div><div><br></div><div>- Grønlendingar hava loyvi at gera allar ráevnisavtalur, teimum lystir. Tað er meiri ivasamt, at teir nýta vitjanina til at gera vart við seg á uttanríkispolitiska økinum. Hetta økið hoyrir sambært grundlógini undir drotningina, og Grønland kann ikki reka sjálvstøðugan uttanríkispolitikk, sigur Per Stig Møller við Berlingske.</div><div><br></div><div>Hann stúrir fyri, at forsetavitjanin og avtalurnar, sum vórðu gjørdar, eru byrjanin til eina glíðibreyt, tá tað ræður um at býta uttanríkispolitisku ábyrgdina millum Danmark og Grønland. </div><div><br></div><div><b>Kuupik dugnaligur</b></div><div><br></div><div>- Kuupik Kleist er ein dugnaligur maður, og hann veit, hvat hann ger. Hvør verður næsti leikur? Helst verða fleiri slíkar avtalur gjørdar, og tá verður danska stjórnin kanska ikki umboðað. Og tá er farið út um mark, hvat grundlógin loyvir, sigur Per Stig Møller. </div><div><br></div><div><br></div>
