- Tíðindi, mentan og ítróttur
Jóhanna fegnast um úrslitið
<div>Jóhanna Sigurðardóttir, forsætisráðharri Íslands, fegnast um, at úrslitið av vegleiðandi fólkaatkvøðuni um nýggja stjórnarskrá leygardagin gjørdist so greitt.</div><div><br></div><div>- Eg eri nøgd við, at tjóðin gevur Altinginum eitt so greitt svar upp á spurningarnar, sum stórur ivi hevur verið um frammanundan, segði Jóhanna Sigurðardóttir við dagblaðið Visir í gjár.</div><div><br></div><div>Eisini forkvinnan í nevndini, sum skipaði fyri fólkaatkvøðuni, fegnaðist um úrslitið. Salvør Nordal sigur, at við atkvøðugreiðsluni nýtist Altingið ikki at ivast í, hvat fólkið heldur um spurningarnar, ið vórðu settir.</div><div><br></div><div><b>Stór undirtøka fyri at arbeiða víðari</b></div><div><br></div><div>Serliga fegnast forkvinnan í stjórnarskipanarnevndini um, at undirtøkan var stór fyri fyrsta spurninginum á atkvøðuseðlinum, nevniliga at heimila stjórnarskipanarnevndini at arbeiða víðari eftir sama leisti.</div><div><br></div><div>Sjálvstæðisflokkurin, hinvegin, setur spurnartekn við atkvøðugreiðsluna, tí valluttøkan var so lítil, bert um 50 prosent.</div><div><br></div><div><b>Vil hava málið avgreitt</b></div><div><br></div><div>Jóhanna Sigurðardóttir er nøgd við valluttøkuna. Ið hvussu so er sigur fólkaatkvøðan greitt, hvat íslendska tjóðin heldur um spurningarnar, sigur Jóhanna Sigurðardóttir, sum vil hava málið avgreitt í hesum valskeiðinum hjá Altinginum.</div><div><br></div><div>Roknað verður nú við, at stjórnarskipanarráðið kann hava eina nýggja grundlóg klára til fólkaatkvøðu til várs. 115.800 íslendingar greiddu atkvøðu leygardagin, t.e. 48,9 prosent.</div>
