- Tíðindi, mentan og ítróttur
Hugo Chávez farin
<div>Maduro boðaði frá andlátinum í eini sjónvarpsrøðu beint áðrenn klokkan 22 føroyska tíð í kvøld.</div><div><br></div><div>- Vit hava fingið tey verst hugsandi boðini. Chavez tapti móti krabbameininum sum rakti hann fyri tveimum árum síðani, segði Maduro.</div><div><br></div><div>Chávez er vorðin munandi sjúkari seinastu dagarnar, og hann hevur havt stórar trupulleikar við at anda. Samstundis hava læknarnir roynt at basa krabbameininum við fleiri viðgerðum.</div><div><br></div><div><b>USA fær skuldina</b></div><div>Chávez hevur ikki verið at sæð alment síðani hann fyri tveimum vikum síðani kom aftur til Venezuela, aftaná at hava verið til viðgerðar á Kuba. Tað er ongantíð komið fram, hvat slag av krabba forsetin hevur havt.</div><div><br></div><div>Hann hevur verið kendur fyri sítt fíggindasinnaða lyndi mótvegis USA, og Chávez segði tíðliga aftan á, hann hevði fingið staðfest krabbamein, at tað var USA, sum hevði syrgt fyri at hann gjørdist sjúkur. Hetta nevndi varaforsetin Maduro eisini í røðuni í kvøld.</div><div><br></div><div><b>Á varðhaldi</b></div><div>Samstundis sum boðini um at Chávez er deyður, so hevur Venezuela sent tveir amerikanskar diplomatar av landinum, og skuldsett teir fyri at hava verið við í eini ráðagerð móti stjórnini í Venezuela.</div><div><br></div><div>Herurin er á varðhaldi í kvøld, og hermenn og løgreglufólk eru at síggja í gøtunum. Hernaðarleiðslan í Venezuela hevur í kvøld givið Maduro sín fulla stuðul.</div><div><br></div><div>Hugo Chávez varð afturvaldur til forseta í vetur, men bleiv ongantíð tikin í eið. Roknað verður við, at forsetaval verður útskrivað í landinum um stutta tíð.</div>
