Frans I pávi vísti seg fyri mannamúgvuni

Klokkan 18.07 í kvøld kom hvítur roykur úr Vatikaninum. Løtu seinni kom nývaldi 76 ára gamli pávi Frans og heilsaði til fólkið á Pætursplássinum.

Nývaldi Frans pávi heilsar fólkunum sum eru komin saman á Pætursplássinum seinnapartin.

13.03.2013 - 19:26

<div>Kardinal Jorge Bergoglio úr Argentina er valdur til at gerast tann nýggi pávin. Hann hevur fingið sær pávanavnið Frans tann fyrsti, og gerst pávi nummar 266 í røðini sum byrjaði við Sankta Pætur.</div><div><br></div><div>Hann kemur frá starvinum sum erkabiskuppur í Buenos Aires i Argentina. Bergoglio er føddur 17. desember í 1936, og er 76 ára gamal.</div><div><br></div><div>Hann er tann fyrsti pávin sum ikki er úr Evropa síðani Gregor III av Sýrialandi sat sum pávi frá 731 til 741.</div><div><br></div><div><b>Bið fyri mær</b></div><div>Frans tann fyrsti kom út á altanina á Pæturkirkjuni klokkan 19.25 føroyska tíð, og byrjaði við at siga gott kvøld til stóru mannamúgvuna.</div><div><br></div><div>- Tit vita at at tað er pliktin hjá konklavinum at finna ein biskupp av Rom. Teir noyddust næstan til heimsins enda fyri at finna hann, segði hann við einum brosi.</div><div><br></div><div>- Eg takki tykkum fyri vælkomuna, segði hann áðrenn hann bað eina bøn fyri Bænadikt páva sum legði frá sær, og síðani bað hann Faðir Vár.</div><div><br></div><div><b>Óvæntað val</b></div><div>At Bergoglio gerst pávi kom óvæntað á tey flestu, tí hann hevur ikki verið nevndur sum ein av teimum við best møguleikum. Hann bleiv útnevndur til kardinal av Jóhannus Paul II páva í 2001.</div><div><br></div><div>Frans I hevur alla sína tíð arbeitt í heimlandinum Argentina. Fleiri av teimum sum blivu nevndir sum møguligir pávar hava gjørt tænastu í Vatikanum, men tað hevur Bergoglio ikki gjørt.</div><div><br></div><div>Tað sigst at hann var tann sum fekk næstflestar atkvøður tá Bænadikt XVI bleiv valdur í 2005, men var hildin at vera ov gamal til at gerast pávi tað ferðina. </div><div><i>Kelda: NRK</i></div><div><br></div>