Ongar broytingar hjá Strandferðsluni

Ongar broytingar hjá Strandferðsluni
Bæði talið á túrum og prísurin á ferðaseðlum verða óbroytt
 
01.10.2013 - 11:00

Ongar broytingar verða gjørdar í siglingini hjá Strandferðsluni, og heldur ikki í prísinum.

Upprunaliga var ætlanin at tillaga ferðaseðlaprísin og túratalið um Suðuroyarfjørð fyri at leggja upp fyri sparingum. Hesar sparingar vera av ongum.

Sostatt verða bæði túratal og ferðaseðlaprísur á sama støði.

-Tað er av alstórum týdningi, at fólk kunnu ferðast til og úr Suðuroynni á nøktandi hátt.

Smyril er ein grundleggandi liður í at gera tað møguligt hjá vinnuni at klára seg.

Harafturat gevur eitt vælvirkandi ferðasamband suðuroyingum møguleika fyri at luttaka og vera virkin í føroyska samfelagnum.

Hetta er partur av at gera tað liviligt at búgva í Suðuroynni, sigur Johan Dahl, landsstýrismaður í vinnumálum.

Umframt at Suðuroyarleiðin er uppraðfest, er eykajáttan farin niðan í Løgtingið til tess at keypa skip til Skúvoyarleiðina.

Biðið er um 3. mió. kr. í 2013 at keypa skip fyri.

Harumframt eru 3,5. mió. kr. settar av í 2014 til at dagføra og umvæla skipið.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435