Ónøgdur við arbeiðslagið hjá Málráðnum

Bjarni Djurholm, løgtingsmaður fyri Fólkaflokkin, er ikki nøgdur við arbeiðslagið hjá Málráðnum, og hevur sett Bjørn Kalsø, landsstýrismann í mentamálum, skrivligan fyrispurning.

Bjarni Djurholm spyr, um landsstýrismaðurin hevur fatan av, at Málráðið kann fáa eyðmerking at vera losjukent, verður viljin hjá landsstýrismanninum og løgtinginum ikki fylgdur.

Hann vil eisini hava at vita, nær Málráðið fer at gera niðurstøðu um stavraðið.

Bjarni Djurholm vísir á, at á fyrsta fundinum í Málráðnum 8. januar í ár segði Bjørn Kalsø, at tað er av stórum týdningi, at fólkið kennir seg aftur í málinum.

Eisini umrøddi landsstýrismaðurin latínska stavraðið, sum Málráðið skal leggja fyri tingið at løggilda.

- Boðini frá landsstýrismanninum vóru greið. Arbeiðslagið hjá Málráðnum skal endurspegla málsliga huglagið millum manna, og málsligur seráhugi eigur ikki at hava framíhjárætt, sigur Bjarni Djurholm í viðmerkingunum til fyrispurningin.