Frágreiðingin kemur í morgin ella mánadagin

<p>Frágreiðingin hjá Jørgeni Niclasen um tollmálið verður liðug í morgin ella mánadagin.&nbsp;<span style="line-height: 1.6em;">Tað sigur advokaturin, Christian Andreasen.</span></p>

<p>Í frágreiðingin sigur Jørgen Niclasen sína søgu um tollmálið, har partafelagið N. Niclasen, sum landsstýrismaðurin var stjóri fyri, fekk vørur útflýggjaðar til at selja, uttan at rinda toll.</p>

<p>Christian Andresen hevur vegna Jørgen Niclasen sent Kringvarpinum eina kæru í tíðindaflutninginum í tollmálinum, sum hann sigur vera&nbsp;ærumeiðandi og innihalda grovar skuldsetingar.</p>

<p><strong>Her er kæran til Kringvarpið: <a href="http://kvf.fo/sites/default/files/kaera_0.pdf" target="_blank">Viðv. tíðindaflutningi um Jørgen Niclasen, landsstýrismann í fíggjarmálum</a> </strong>(PDF-skjal, letur upp í nýggjum kaga)</p>

<p>Enn er ikki greitt, um landsstýrismaðurin fer at kæra til fjølmiðlanevndina. Jørgen Niclasen hevur í fleiri umførum borið seg undan at viðmerkja tollmálið, tí hann hevur bíðað til frágreiðingin er liðug.</p>

<p>Frágreiðingin verður liðug í morgin, fríggjadagin,&nbsp;ella mánadagin. Tá fer landsstýrismaðurin væntandi&nbsp;eisini at svara fleiri spurningum í málinum.</p>