Neistin og Kyndil í finaluni

<p>Neistin er í steypafinaluni hjá kvinnum. Neistin vann seinna hálvfinaludystin móti VB 24-23, støðan í hálvleikinum var 11-11.</p>

<p>Neistin hevði undan hesum dystinum eitt gott útgangstøðið, tí tær vunnu 28-20 í fyrra dystinum í Vági í gjárkvøldið.</p>

<p>Toppskjúttar í dystinum í dag vóru Eir Berg hjá Neistanum við seks málum, meðan Ingrita skeyt sjey mál fyri VB.</p>

<p>Kyndil er í finaluni hjá monnum. Seinna hálvfinalan bleiv sera spennandi, tí H71 vann hana og var tætt við at vinna samanlagt. H71 vann 26-24, men tað var akkurát ikki nokk, tí Kyndil vann fyrra dystin við fýra málum.</p>

<p>Toppskjúttar blivu David Edvardsen, Kyndil, og Bogdan Florea, H71, teir skutu báðir átta mál hvør.</p>

<p>Hinar hálvfinalurnar eru í morgin.</p>

<p>Hjá kvinnunum spæla VÍF og Kyndil í Vestmanna. Fyrri dysturin endaði 21-20 til VÍF.</p>

<p>Hjá monnunum spæla KÍF og STÍF. Fyrri dysturin endaði 32-29 til STÍF.</p>

<p>Báðir dystirnir byrja klokkan 19.30. Útvarpið fer at siga frá dystinum í Kollafirði, og fylgt verður eisini við dystinum í Vestmanna.</p>