Leita aftur í dag

Garnabáturin Anita og sjóverjuskipið Brimil leitaðu í allan gjár eftir 34 ára gamla indonesaranum, sum fór fyri borð, tá teir vóru við at seta gørnini.

Maðurin fekk ein enda um beinið, og fór fyri borð.

Anita var stødd umleið 180 fjórðingar í útstynning úr Suðuroynni, tá óhappið hendi.

Leitað varð í gjár á ytsta av teimum Ytru bankunum, men eingin maður varð funnin.

Teir góvust at leita í skýmingini í gjár.

Farið verður aftur at leita, so skjótt sum tað lýsir fyri degi, upplýsir MRCC í morgun.