Avstralskur trúboðari handtikin í Norðurkorea

Kona trúboðaran, Karen Short, sigur við CNN, at maður hennara verður millum annað spurdur um, hvør hann er, hvønn felagsskap hann hoyrir til, og hvør hevur umsett átrúnaðarliga tilfarið til koreanskt.

Hann kann vænta sær 15 ára fongsulsrevsing.

John Short, sum vanliga býr í Hong Kong, fór til Pyongyang leygardagin. Longu dagin eftir skal norðurkoreanska løgreglan hava avhoyrt hann á hotellinum, har hann búði. Síðan varð hann handtikin og settur í fongsul.

Familjan visti onki um handtøkuna, fyrr enn onnur í ferðaliðnum bóru tíðindini.

Av tí at Avstralia onki diplomatiskt samband hevur við Norðurkorea, tekur svenska sendistovan sær av samskiftinum við afturlatnu stjórnina.

Kelda: CNN/VG