Stongdu loftrúmið yvir floghavnina í Helsinki

Loftrúmið yvir floghavnina í finska høvuðsstaðnum Helsinki varð stongt í tríggjar tímar í morgun.

Orsøkin var ein fráboðan um, at dronir møguliga vóru í økinum. Sambært finsku verjuni kom ávaringin úr Ukraina. Myndugleikarnir hava tó enn einki prógv um, at dronir vóru í økinum yvir floghavnina.

Finski forsetin, Alexander Stubb, boðar fyrrapartin frá, at eingin beinleiðis hernaðarlig hóttan er móti Finnlandi.

Í fráboðanini frá forsetanum verður einki meira ítøkiligt nevnt um møguligar dronur yvir floghavnina. Men Alexander Stubb takkar tó myndugleikunum fyri at hava borið skjótt at, tá ávaringin um dronur kom.

- Okkara myndugleikar vístu í verki, at teir vóru væl fyrireikaðir, sigur Alexander Stubb.