Umboðsmaðurin fekk 104 klagur í fjør

Løgtingsins umboðsmaður fekk 104 klagur í fjør.

Av teimum vóru 93 endaliga avgreiddar í árinum. Harumframt vóru avgreiddar 23 klagur frá undanfarnum árum. 

Av teimum 116 klagunum, sum vóru avgreiddar í fjør, endaðu 26 við niðurstøðum, annaðhvørt í áliti ella skrivi.

Í 2025 læt umboðsmaðurin eisini úr hondum frágreiðingar frá tveimum eftirlitsvitjanum og kanning av máli, sum var tikin upp av egnum ávum.

Í ársfrágreiðingini eru eisini tvær greinar.

Onnur er um um vandar fyri mismuni í sambandi við talgilding av tænastum, og hin er um Barnarættindasáttmálan og lógarsmíð.

Les frágreiðingina her.