Russland og Ukraina hava útflýggjað tilsamans 410 krígsfangar

Russland og Ukraina hava útflýggjað hvør øðrum tilsamans 410 krígsfangar.

Hetta er partur av vápnahvíldaravtaluni fyrr í vikuni.

Almenni russiski miðilin RIA skrivar sambært Reuters, at Russland hevur fingið 205 fangar úr Ukraina, og ukrainski forsetin, Zelenskyj, hevur skrivað á X, at landið hevur fingið 205 fangar heim úr Russlandi.

- Millum teirra, sum eru latin leys, eru hermenn og heryvirmenn. Tey flestu hava verið fangar í Russlandi síðani 2022, skrivar Zelenskyj.

Russland og Ukraina hava avtalað um at útflýggja hvør øðrum tilsamans 1.000 fangar hvør.