Svenskur journalistur skotin í Kabul

51 ára gamli Nils Horner varð skotin nærindis eina kenda libaneskiska matstovu í Kabul, skrivar AFP.

”Hetta er ein av ringastu døgunum í søguni hjá SVT. Nils Horner var eitt av okkara bestu og royndastu tíðindafólkum, og hetta er ræðuligt. Nú gera vit okkara besta at seta okkum inn í allar smálutir um, hvat er hent,” sigur Cilla Benkø fyri SVT.

Svenska uttanríkisráðið váttar fyri blaðnum Expressen, at ein svenskur ríkisborgari er skotin og dripin í Kabul.

Var til arbeiðis

Afganski kanningarleiðarin, Sayed Gul Agha Hashimi, sigur, at journalisturin var til arbeiðis, tá hann varð skotin. Hann doyði, meðan hann fekk viðgerð á sjúkrahúsi.

Talibanarnir nokta fyri, at teir høvdu nakað við morðið at gera.

”Vit hava spurt okkum fyri hjá hermonnum okkara, og ongin teirra hevur nakað við hatta at gera,” sigur Zaciullah Mujahid, talsmaður hjá Taleban.

Kelda: NRK/AFP