Deyðadómar elva til ófrið í Kairo

Ófriður er í gøtunum í Kairo í dag, eftir at yvir 500 viðhaldsfólk hjá frákoyrda forsetanum Mohamed Mursi í gjár vórðu dømd til deyða.

Politiið brúkti táragass fyri at spjaða mótmælisfólkini, sum eru limir í Muslimska Brøðralagnum. 
 
Ein mannarættindatalsmaður fyri ST, Rupert Coville, sigur, at deyðadómarnir eru brot á mannarættindini.

- Tað er óhoyrt í nýggjari søgu, at so nógv fólk eru deyðadømd, sigur hann sambært Reuters.

Verjuadvokatar sigar, at teir fara at krevja, at dómarin verður frákoyrdur.

Fjølmiðlar í Egyptalandi siga, at dómarin, Said Yusef Sabry, er tiltikin fyri at hava dømt harðar dómar í fleiri ár. Millum annað hevur hann dømt ein mann 30-ára fongsulsrevsing fyri at hava stolið kjólar í einum kjólahandli.

Tey 529, sum eru dømd til deyða, eru millum annað funnin sek í at hava dripið ein løgreglumann og fyri at hava gjørt seg inn á politiið, skriva Ritzau og Reuters