Fútin bíðar eftir Sjóvinnustýrinum

Hjá fútanum bíða tey nú eftir at fáa úrskriftirnar úr rættarbókini hjá Føroya rætti, nú fimm av monnununum, sum vóru við garnaskipinum Anitu, eru avhoyrdir sum vitni.

Fútin sendir síðani Sjóvinnustýrinum málið fyri at vita, um Sjóvinnustýrið heldur, at okkurt revsivert er hent, sum ákæruvaldið eigur at fara í rættin við.

Talan kann til dømis vera um brot á mynstringarlógina ella lógina um trygd á sjónum.

Sambært Sjóvinnustýrinum sleppur Anita ikki at loysa, fyrr enn trygdarvenjingar hava verið umborð. 

Trygdarvenjingar vóru, tá Anita kom inn. Men nú er øll manningin, uttan skipararnir, farin í land og av landinum. 

Annar stýrimaður, sum varð avhoyrdur í gjár, segði, at eingin brandvenjing var á Anitu teir níggju mánaðirnar, hann sigldi við skipinum