Fýra fólk flutt á Landssjúkrahúsið

Løgregla, sjúkrabilar og bilar frá Tórshavnar Sløkkiliði vórðu send á staðið.

Neyðugt varð at stongja vegin niðan móti tunnilsmunnanum, Kollafjarðar megin, meðan sløkkiliðið klipti bilarnar sundur, so at fólkini í bilunum komu so trygt sum møguligt úr bilunum.

Fýra fólk eru flutt á Landssjúkrahúsið til kanningar. Enn er ikki greitt, hvussu um talan er um álvarsligan skaða, sigur vakthavandi á politistøðini í Havn.

Fremri bilurin bíðaði eftir at sleppa inn á busssteðgiplássið til vinstru. Vegurin er nú opin aftur.