Gøla hjá íslendsku løgregluni

Eisini í Íslandi er nógv kjak um heimildirnar hjá løgregluni at liggja inni við persónligum upplýsingum, nú at tað er komið fram, at ein íslendskur løgreglumaðurr hevur lagt upplýsingar um kvinnur, sum hava verið fyri kynsligum harðskapi, út á Facebook.

Løgreglumaðurin var í einum afturlatnum bólki saman við ein løgfrøðingi og ein starvsmanni í einari telefyritøku. 

Løgregulmaðurin hevði gjørt sær dælt av telduskipanini hjá løgregluni, og hevði funnið fram upplýsingar um kvinnur, ið vóru raktar av kynsligum harðskapi, sum hann hevði lagt út á afturlatna Facebook-bólkin, soleiðis at limirnir kundu samskifta um misbrúktu kvinnurnar. 

Bæði løgreglumaðurin og hinir limirnir í Facebook-bólkinum eru fyribils uppsagdir, meðan málið verður kannað.