Byggifelag meldað fyri óhapp

Byggifelag meldað fyri óhapp
Arbeiðseftirlitið biður fútan geva Búsetri 20.000 kr.i bót
Fútin skal nú avgera, um byggifelagið Búsetur skal hava bót fyri ikki at tryggja fólkið nóg væl móti óhappum
 
08.07.2014 - 11:12

Arbeiðseftirlitið hevur biðið fútan geva byggifelagnum Búsetri bót fyri at bróta kunngerðina um trygd á arbeiðsplássum. 

Ein 31 ára gamal timburmaður hjá Búsetri fekk stóran skaða, tá hann fór gjøgnum eitt op í einari tekju tann 28.mars í ár. 

Trygdin á arbeiðsplássinum var ikki í lagi, er niðurstøðan hjá Arbeiðseftirlitinum.

Seinast, eitt slíkt mál varð sent fútanum, var fyri 13 árum síðani. Tá var bótin 20.000 kr. Arbeiðseftirlitið mælir til, at bótin, sum Búsetur skal fáa, eisini verður 20.000 kr.

Búsetur fekk ætlanina hjá Arbeiðseftirlitinum um at melda felagið til hoyringar.

Felagið svaraði, at tað hevur ikki brotið lóggávuna um arbeiðsumhvørvi.

Búsetur heitti, umvegis advokat, á Arbeiðseftirlitið um at umhugsa sína niðurstøðu av nýggjum.

Men Arbeiðseftirlitið broytti ikki støðu og hevur nú meldað Búsetur til fútan.

 

Er kopiera
Nýggjastu sendingar í ÚV
Leygardag 10. mai
Morgunlestur leygardagur 10.mai 2025
191025
Fríggjadag 9. mai
Vikuskiftið 9 mei 2025
191679
Fríggjadag 9. mai
Góðan morgun Føroyar
191642
Nýggjastu sendingar í SV
Leygardag 10. mai
Dagur og vika - teknmálstulkað
191687
Fríggjadag 9. mai
Veðrið
191675
Fríggjadag 9. mai
KAKUMiKS (6:7)
191658
Fríggjadag 9. mai
Dagur og vika - teknmálstulkað
191644
Hósdag 8. mai
Hondbóltur: Kosovo - Føroyar
191625