Fólkapensjónistar 80 kr. meira frá Samhaldsfasta

Alt ger mun, fólkapensjónistar fáa 80 krónur meira um mánaðin frá Samhaldsfasta næsta ár.

Tað kunngjørdi stýrið fyri Arbeiðsmarknaðareftirlønargrunnin í gjár.

Gjaldið hækkar 2,7 prosent og verður 3.010 kr. um mánaðin í 2015, 36.120 kr. fyri alt árið.  

Útgjaldið hjá Samhaldsfasta var í fjør 86 prosent av inngjøldunum og væntast at verða 88 prosent av inngjøldunum í ár. 

Í fjør fingu fólkapensjónistar slakar 240 mió. kr. frá Arbeiðsmarknaðareftirlønargrunninum.