Kanning ikki almannakungjørd fyrr enn eftir valið

Í september kom fram, at grønlendska landsstýrisforkvinnan, Aleqa Hammond, hevði brúkt 106-túsund krónur av almennum pengum upp á seg sjálva og familju sína í tíðini frá 28. mai í fjør til 21. mai í ár.

Kanning var alt fyri eitt sett í verk av henni, núvernadi og fyrrvernadi landsstýrislimum. 

Sambært Sermitsiaq.gl, er kanningin liðug, og frágreiðingin liggur í afturlatnum brævbjálva í eini bankaboks í Grønlandsbankanum, sigur virkandi formaðurin fyri Inatsi-sar-tut, Lars Emil Johansen.

Formaðurin fyri Parti Nalerag, Hans Enoksen, sum sjálvur er ein teirra, ið verður kannaður, vil hava kannngina almannakunngjørda beinanvegin. Men sambært Lars Emil Johansen er tað bara grannskoðaranevndin, sum kann lata upp og lesa úrslitið av kanningini.

- Mær er sagt, at enn hevur eingin lisið kanningina, hvørki embætisverkið ella politikarar, tí tað er grannskoðaranevndin, sum skal koma við áliti ella tilmæli í sambandi við kanningina, sigur Lars Emil Johansen.

Hann leggur aftrat, at kanningin í fyrsta lagi verður almannakunngjørd eftir valið, tá nýtt landsstýri hevur tikið við og nýggj grannskoðaranevnd mannað.

Val verður í Grønlandi 28. november.