Fongsul í fimm mánaðir fyri at smugla hassj

Eitt ferðafólk, sum kom til Havnar við Norrønu 20.oktober, hevði stívliga hálvt annað kilo av hassji við sær.

Tað kostaði fimm mánaða fongsulsrevsing, tá Føroya rættur feldi dóm í málinum í síðstu viku.

30 ára gamla ferðafólkið, sum býr í Danmark, hevur verið í varðhaldi í Mjørkadali síðani 20.oktober, tær fyrstu tvær vikurnar í avbyrging.

Eitt annað ferðafólk, sum kom við Norrønu 20.oktober, varð dømt 17.november fyri at royna at smugla 115 gramm av hassji innvortis.