Síggja ikki sjónvarp og hoyra ikki FM í Sandoynni

Í gjáramorgunin slerdi toran niður á Knúki í Sandoynni, og tað hevur við sær, at fólk ikki síggja televarpið, og heldur ikki fáa lurtað eftir FM í útvarpinum.

Tá toran slerdi niður, fór el-talvan í húsinum, har sendiútgerðin stendur.

Fólk frá Føroya Tele eru farin at kanna skaðan, og tey hava eisini útgerð við sær. 

Enn ber ikki til at siga nakað um, nær útgerðin verður í lagi aftur, tí tað veldst um, hvussu álvarsligur skaðin er.

Tað eru fólk á Sandi, og í pørtum av Kirkjubø og Velbastað, sum ikki síggja televarpið, og fólk hoyra heldur ikki FM.