Meira pening til politiskt virksemi og upplýsing

Allir floksformenninir á tingi vilja hava meiri pening til politiskt virksemi og upplýsing.

Nú fíggjarlógin er til triðju viðgerð í tinginum hava formenninir lagt fram broytingaruppskot um at hækka játtanina eina millión krónur, úr 3,2 upp í 4,2 milliónir kr. næsta ár, sum eisini er valár.

Alfred í Sambandsflokkinum, Jákup Mikkelsen í Fólkaflokkinum, Høgni Hoydal í Tjóðveldi, Aksel V. Johannesen í Javnaðarflokkinum, Poul Michelsen í Framsókn, Kári P. Højgaard í Sjálvstýrisflokkinum og Jenis av Rana í Miðflokkinum, siga í viðmerkingunum til uppskotið, at "fyri at tryggja fólkaræðið og at tryggja, at møguligt er hjá politiskum flokkum t stuðla valenum fíggjarliga, so tey ikki halda seg aftur at stilla upp av fíggjarligum ávum, er neyðugt at hækka játtanina."