Apple metstórt avlop

<p>Avlopið hjá Apple í seinasta ársfjórðinginum&nbsp;í 2014&nbsp;var 18 milliardir dollarar, ella 119 miliardir krónur. Umsetningurin var 74,6 milliardir dollarar, ella 491 milliardir krónur.</p>

<p>Undan Apple hevði russiska olju- og gassfelagið Gazprom metið sum tann fyritøkan, ið hevur havt størsta avlopið í einum fjórðingsári. Tað var 16,2 milliardir dollarar, ella 107 milliardir krónur.</p>

<p><strong>iPhone trygt&nbsp;inntøkugrundarlag</strong></p>

<p>Jólasølan av nýggju iPhone-telefonunum er høvuðsorsøkin til góða úrslitið hjá Apple. Seldar vórðu 74,5 milliónir iPhone, og tað er eisini met hjá Apple.</p>

<p>Stór framgongd hevur verið í søluni hjá Apple í Kina. Har vaks umsetningurin 70 prosent samanborið við árið fyri.</p>

<p>Umleið 65 prosent av øllum umsetninginum hjá Apple er í Kina. Góðu tíðindini ávirka eisini partabrævið í Apple, sum er vaksið fimm prosent í virði í USA.</p>