Kanna kappingaravlaging innan bilasølu

Kappingareftirlitið kunngjørdi í gjár, at Gunnar Justinussen hevur við felagi sínum, sum eitur Sp/f Tinka, saman við P/f Dekksentrinum, sum hann eigur saman við Rúna Lindberg, stovnað nýtt felag, sum eitur Sp/f VL 43.

Hetta nýggja felag, Sp/f VL 43, hevur keypt allan partapeningin í P/f Bilasøluni. Gunnar Justinussen eigur frammanundan P/f Wenzel, sum selur bilmerkini Ford og Volvo, og P/f Bilasølan selur VW, Mazda, Audi og Seat.

Møguligar viðmerkingar um hesa yvirtøku skulu vera Kappingareftirlitinum í hendi í seinasta lagi um eina viku, á grækarismessu.