- Tíðindi, mentan og ítróttur
Heilsutrygd setur kommunulæknar
Heilsutrygd setur kommunulæknar
Nú verður ásett í kommunulæknalógini, at setanarmyndugleikin er fluttur frá landsstýrismanninum til Heilsutrygd
12.03.2015 - 09:38
Landsstýrismaðurin í heilsumálum skal ikki longur seta kommunulæknar, men Heilsutrygd, tí kommunlæknaskipanin varð flutt til Heilsutrygd í 2013. Frammanundan lá kommunulæknaskipanin beinleiðis undir Heilsumálaráðnum.
Heilsutrygd rindar meginpartin av kommunulæknaveitingunum sambært sáttmála millum Kommunulæknafelagið og Heilsutrygd.
Karsten Hansen, landsstýrismaður, hevur skotið upp fyri tinginum at broyta kommunulæknaskipanina soleiðis, at tað verður ásett í lógini, at tað ikki verður landsstýrismaðurin, sum skal seta kommunulæknar í fast starv. Setanarmyndugleikin verður nú hjá Heilsutrygd.
Uppskotið kemur til viðgerðar í tinginum í dag.
Er kopiera
Nýggjastu sendingar í ÚV
Nýggjastu sendingar í SV
