Finst at skúlamyndugleikunum fyri at drála

Finst at skúlamyndugleikunum fyri at drála
Fyrr ella seinni eigur tilboð at vera í fólkaskúlanum til tey, sum eru lesi- og skriviveik, heldur Herálvur Jacobsen, formaður í Føroya Lærarafelag
Fyrr ella seinni mugu tilboð vera í fólkaskúlanum til lesi- og skriviveik, heldur formaðurin í Lærarafelagnum. Myndin hevur ikki samband við ítøkiliga málið
 
31.03.2015 - 10:40

- So leingi vit ikki kunnu bjóða eitt nøktandi tilboð til teirra, sum hava álvarsligar lesi- og skrivitrupulleikar í fólkaskúlanum, er felagið fyri lesi- og skriviveik besta tilboðið, men fyrr ella seinni mugu tilboð vera í fólkaskúlanum til teirra, sigur Herálvur Jacobsen við Skúlablaðið.

Herálvur Jacobsen finst at skúlamyndugleikunum fyri at drála, tí enn er einki tilboð í fólkaskúlanum. Hann vísir á, at uppgávan í løtuni er hjá felagnum fyri lesi- og skriviveik, sum ger eitt stórt arbeiðið, heldur Herálvur Jacobsen.

Hann eftirlýsir, at økið verður raðfest og samskipað betri innan skúlagátt. Eitt av tilmælunum hjá arbeiðsbólkinum, sum hevur orðað álit og tilmæli um sernámsfrøðiliga økið í Føroyum, er at samskipa játtanina, sum fer til felagið fyri lesi- og skriviveik, við Sernám og skúlaøkið.

Játtanin tvífaldað seinastu fýra árini

Felagið fyri lesi- og skriviveik hevur fingið játtan á løgtingsfíggjarlógini í fleiri ár, og játtanin skal nýtast til at styrkja undirvísingina av lesi- og skriviveikum.

Tey fyrstu árini var játtanin lítil. Síðan 2011 er hon kvinkað úr kr. 600.000 upp í 1,3 millión krónur.

- Hetta vísir, hvussu stórur tørvurin er á undirvísing fyri lesi- og skriviveik. Hinvegin vísir gongdin eisini, at talan er um eitt øki innan fólkaskúlan, sum avvarðandi myndugleikar als ikki hava raðfest, sigur Herálvur Jacobsen við Skúlablaðið.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592