Neistin er føroyameistari

Neistin hevur vunnið alt, sum vinnast kann í kvinnukappingunum.

Fyrr í ár vunnu tær steypakappingina, og í dag blivu tær føroyameistarar.

Neistin vann seinnu finaluna á Kyndli. Úrslitið varð 20-17 til Neistan.

Í hálvleikinum var bara eitt mál á muni, Neistin var á odda 10-9.

Men í seinna hálvleiki var tað Neistin, sum allatíðina var á odda.

Finalan var tó spennandi, tí tað var ikki fyrr enn heilt móti endanum, at munurin varð størri enn eitt ella tvey mál.