Badminton 11 heiðursmerkir í Danish junior open

Um vikuskiftið var føroyska ungdómslandsliðið í badminton í kapping í Danmark, sum eitur Danish Junior Open.

Úrtøkan var góð, føroysku leikararnir komu heim aftur við ellivu heiðursmerkjum. Føroyar vunnu fimm gull, tríggjar silvur og tríggjar bronsur.

Formaðurin í badmintonsambandinum, Erik Engelbrecht Thomsen er ovurfegin um góðu úrslitini

- Okkara hava kappast móti leikarum úr Danmark, Týsklandi, Svøríki og Íslandi. Vit vunnu fýra av fimm gull í U-13 bólkinum, so framtíðin er bjørt fyri føroyskt badminton, sigur Erik Engelbrecht Thomsen.

U13 A-bólkurin:

Einmansleikur: Ari Nandi, gull

Tvímansleikur menn: Ari Nandi / Rúni Øster, gull

Tvímansleikur kvinnur: Adhya Nandi / Lena Maria Joensen, gull

Blandaður tvímansleikur: Ari Nandi / Adhya Nandi, gull og silvur til Rúna Øster og Lenu Mariu Joensen

U-15 A-bólkurin:

Einmansleikur menn: Dann Fróðason, gull og Bárður á Reynatrøð, silvur

Einmansleikur kvinnur: Mona Rasmusdóttir, bronsu

Tvímansleikur kvinnur: Mona Rasmusdóttir / Sissal Thomsen, bronsu

U17 A-bólkurin:

Tvímansleikur kvinnur: Gunnva Jacobsen / Elin Mattsson, silvur

Blandaður tvímansleikur: Rógvi Ziskason / Gunnva Jacobsen, bronsu

U17 E-Bólkurin:

Einmansleikur menn: Bartal Poulsen, bronsu