Fiskimálaráðharrar á vitjan næstu dagarnar

Teir verða við á ráðstevnuni, ”Vøkstur í bláa tilfeinginum í Norðuratlantshavi og Arktis”, sum verður í Norðurlandahúsinum í morgin og mikudagin.

Skipað verður fyri ráðstevnuni í samstarvi við norðurlendsku Havsmiðjuna, FAO og OECD.

Viðgerða politisku umstøðurnar

Ráðstevnan viðger politisku umstøðurnar at skapa vøkstur í bláa tilfeingisbúskapinum, og avbjóðingar í hesum sambandi. 

Ráðstevnan viðger eisini, hvørjar møguleikar vinnan hevur at gagnnýta tilfeingið í havinum í framtíðini. Úrslitini av ráðstevnuni verða savnað í eina greining.
Ráðstevnan er partur av skránni hjá norðurlendska fiskivinnusamstarvinum, ið Føroyar hava formansskapin fyri í 2015.