Kanna kostnaðin fyri útsetta drotningavitjan

Kanna kostnaðin fyri útsetta drotningavitjan
Løgmansstjórin sigur, at fær Løgmansskrivstovan rokningar ella krøv frá kommununum, verða tey viðgjørd og støða tikin til teirra
Marjun Hanusardóttir er løgmansstjóri
 
16.06.2015 - 08:16

Á Løgmansskrivstovuni eru tey nú í ferð við at kanna, hvussu nógv, útsetta vitjanin hjá Margretu drotning og Heindrikki prinsi fer at kosta landskassanum.

Nakrar rokningar eru, sum skulu gjaldast. Millum annað eru innbjóðingarkort prentað.

Marjun Hanusardóttir, løgmansstjóri, sigur, at tey vita ikki enn, hvussu nógv landið noyðist at gjalda fyri vitjanina, sum skuldi byrja í gjárkvøldið, men varð útsett mikudagin í síðstu viku.

Vil hava endurgjald

Í gjár boðaði borgarstjórin á Tvøroyri, Kristin Michelsen, frá, at landið eigur at rinda kommununum, sum hava havt útreiðslur av vitjanini endurgjald, nú vitjanin varð útsett við so lítlum skotbrái.

Drotningin og prinsurin skuldu vitja á Tvøroyri og aðra staðni í Suðuroynni í dag.

Marjun Hanusardóttir sigur, at fær Løgmansskrivstovan rokningar ella krøv frá kommununum, verða tey viðgjørd og støða tikin til teirra. 

Talan er serliga um fýra kommunur, sum hava fyrireikað seg til fína vitjan. Tær eru Tvøroyri, Hvalba, Sandur og Tórshavn.

 

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592