Ov nógv trýst á heimasíðuna

Fólkatingsvalið krevur eisini nógv av tøknini, tá teir síðstu ivandi veljararnir skulu sannførast. Tað má Alternativet sanna í dag, tí so nógv ferðsla hevur í dag verið á teirra heimasíðu, at hon ikki kláraði meira, og hoknaði undan. 

Tey fingu í skundi eina fyribils heimasíðu upp at koyra, soleiðis at fólk kunnu síggja teirra stevnumið og lesa seg fram til, hvørjum tey standa fyri, men nú er líkt til at heimasíðan koyrir aftur.

heimasíðan kann síggjast her

Alternativet stillar upp á fysta sinni, og veljarakanningar vísa á, at tað fer at gangast nýggja flokkinum væl, og at hann fer at fáa góða umboðan á fólkatingi.

At tey hugsa alternativt kann eisini síggjast í hesari valvideo, sum ikki er sum aðrar av sínum slag. Sí video