Fleiri útbúgvingar í Klaksvík

Tá liðugt er at útbyggja Tekniska skúla í Klaksvík í heyst, verða matvøruútbúgvingarnar á Gørðum og HF-útbúgvingin í Víkunum fluttar í Tekniska skúla. 

Tá vera allar miðnáms-og yrkisútbúgvingar á einum staði í Klaksvík. 

Fleiri útbúgvingar fara í sama viðfangi at verða mentar, til dømis fer at bera til at taka kokkaútbúgving og aðrar styttri matvøruútbúgvingar. 

Bjørn svarar Eyðgunn

Tað sigur Bjørn Kalsø, landsstýrismaður, sum hevur svarað fyrispurningi frá Eyðgunn Samuelsen, løgtingskvinnu, um miðnámsskúlarnar í Klaksvík.

Hann sigur, at í Klaksvík verða í fyrstu syftu bodnar út hesar útbúgvingar: fyrireikingarbreyt, sum fyrr var HF-skeið, tøknibreyt, yrkisnám, yrkisútbúgvingar, timbur, jarn og el, og matvøruútbúgvingar.