Jógvan Niclasen gull í bogaskjóting

Jógvan Niclasen hevur tryggjað Føroyum eitt gullheiðursmerki afturat á oyggjaleikunum á Jersey.

Finalan í compound var seinnapartin, og har møtti Jógvan Mikael Lerberg úr Gotlandi.

Jógvan skeyt sannførandi. Hann tók leiðsluna beinavegin, og hann bara økti fyri hvørt umfarið.

At enda vann Jógvan Niclasen við einum muni á fjúrtan stigum, 128-114.

Hetta er næsta gullheiðursmerki, sum bogaskjóting vinnur á hesum leikunum.