Milan Cimburovic skal venja HB

Milan Cimburovic skal venja HB
Nevndin í HB hevur longu sett avloysaran fyri Heðin Askham, sum leðgi frá sær, sum venjari fyri HB í gjár.
Nevndin í HB hevur gjørt av, at Milan Cimburovic skal venja fremsta liðið hjá HB, nú Heðin Askham hevur lagt frá sær
Mynd: Savnsmynd  
 
09.08.2015 - 15:24

Milan Cimburovic, sum síðani 2012 hevur verið høvuðs-ungdóms-venjari hjá HB, skal fyribils vera høvuðsvenjari hjá besta liðnum hjá HB, tað ið er eftir av verandi kappingarári.

Milan Cimburovic tekur við sum høvuðsvenjari beinanvegin, og hann hevur sína fyrstu venjing við fremsta liðnum í morgin.

Finnbogi Arge, formaður í HB, sigur seg vera sera væl nøgdan við tað ungdómsarbeiði, ið Milan Cimburovic hevur gjørt í HB síðstu árini.

-Nú verður hansara uppgáva at føra tað ungdómsarbeiði víðari á besta liðnum, sigur Finnbogi Arge, sum samstundis leggur dent á, at nýggi høvuðsvenjarin ikki fer at sleppa ungdómsarbeiðnum í felagnum, hóast nýggjur høvuðs-ungdómsvenjari skal finnast.

Finnbogi Arge sigur seg skilja avgerðina hjá Heðini Askham um at siga seg úr starvi.

-Tað er eingin loyna, at eg vildi fegin hava Heðin Askham til felagið, og hann fekk eisini eitt gott úrslit í fjør. Men í ár hevur ikki gingist eftir vild, sigur Finnbogi Arge og vísir á at felagið hevur mist leikarar, umframt at hópurin hevur verið nógv plágaður av skaðum. 

Málsetningurin hjá HB er nú at kvalifisera seg til at sleppa út í Evropa at spæla næsta kappingarár, sigur Finnbogi Arge.

 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592