Skuldsettur kommunulækni skal mentalkannast

Skuldsettur kommunulækni skal mentalkannast
Heilsustýrið hevur fingið frágreiðingar frá skuldsetta læknanum og kvinnunum, sum hava meldað hann
 
21.09.2015 - 15:05

Kommunulæknin, sum er skuldsettur fyri kynsligan ágang móti 13 kvinnum, skal nú mentalkannast.

Kanningin verður gjørd á rættarpsykiatrisku deildini undir danska løgmálaráðnum. 

Heilsustýrið hevur fingið frágreiðingarnar hjá skuldsetta læknanum um læknakanningarnar, sum hann er meldaður fyri, og frágreiðingarnar hjá kvinnunum. 

Heilsustýrið fer nú at gera læknafakliga meting um undirlívskanningarnar, um tær vórðu gjørdar sambært forskriftunum fyri slíkum kanningum.

Linda Hesselberg, ákæri, sigur, at svarið frá Heilsustýrinum fer at viga nógv, tá avgerast skal, um skuldsetti læknin skal ákærast.  

Skuldsettur í fjør

Tað var í juli í fjør, at politiið avhoyrdi ein kommunulækna í Føroyum og skuldsetti hann fyri at hava framt kynsligan ágang móti fimm kvinnum, sum vóru til viðtalu hjá honum. 

Síðani meldaðu fleiri kvinnur sama kommunulækna til løgregluna, og nú eru tær vorðnar 13 í tali. 

Kommunulæknin er skuldsettur fyri at hava brotið fyriskipanina um virksemið hjá læknum og revsilógina. Hann er skuldsettur fyri annað kynsligt samband enn samlegu og fyri blygdanarskemd.

Læknin noktar seg sekan í øllum skuldsetingunum. Í september í fjør varð hann fyribils loystur úr starvi sínum sum kommunulækni.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592