Halda kós suðureftir

Hon er nú komin suður á 48 stig, ið eru 900 fjórðingar beinan úr Føroyum. Hon hevur hildið saman á ferðini. 

Á kortunum kann tykjast sum um at grindin spjaðist viðhvørt, men hetta er mest órógv frá óneyvum positiónum. 

Ein sendari slóknaði, tá 17 dagar vóru gingnir, men hinir fýra sendararnir hava virkað eftir ætlan, sigur Bjarni Mikkelsen, lívfrøðingur á náttúruvísindadeildini hjá Søvnum Landsins.

Bert sjey hvalir vóru í grindin, sum í augustmánaði varð rikin inn á Fuglafjørð, og tí varð avgerð tikin um ikki at halda henni til, men ístaðin seta sendarar á nakrar av hvalunum.