Mourinho fingið fótin

Venjarin hjá Chelsea, 52 ára gamli José Mourinho, er ikki longur venjari hjá liðnum. Tað skrivaði bretska kringvarpið, BBC, á Twitter fyri løtu síðani.

Chelsea hevur havt vánaliga byrjan í hesum kappingarárinum, og liggur í løtuni á 16. plássi í Premier League. Sambært Daily Mail fær venjarin 40 milliónir pund í uppsagnarløn.

Greinin heldur fram niðanfyri

Jose Mourinho sacked as Chelsea manager. Follow latest live updates from @BBCSport https://t.co/HF73EAVbcd pic.twitter.com/b90WRlYuFB

— BBC Breaking News (@BBCBreaking) December 17, 2015

Bretska blaðið, The Telegraph, veit at siga, at nýggjur venjari er longu funnin, og at tað verður 69 ára gamli hollendingurin, Guus Hiddink.

Hann hevur hægsta sigursprosentið av øllum útlendskum venjarum, sum hava roynt seg í Premier League. 84,6 prosent eftir 11 sigrar, ein javnan og ein taptan dyst í 2009.

Hetta er aðru ferð, at Mourinho er uppsagdur sum fótbóltsvenjari, skrivar BBC. Fyrru ferð var í 2007, tá hann fekk sekkin beint eftir at Chelsea hevði spælt javnt móti Rosenborg í Champions League.