- Tíðindi, mentan og ítróttur
Fíggjarlógin til viðgerðar í morgin
Fíggjarlógin til viðgerðar í morgin
Tá Løgtingið í morgin fer undir aðru viðgerð av fíggjarlógini, er tað fyrstu fer í nógv ár, at tingfundur er millum jóla og nýggjárs
Kristina Háfoss, landsstýriskvinna í fíggjarmálum, hevur lagt uppskotið um fíggjarlóg fyri tingið
27.12.2015 - 14:45
Fyri jól varð bíðað eftir áliti úr Fíggjarnevndini til fíggjarlógaruppskotið. Fíggjarnevndin bíðaði eftir áltitinum hjá Vinnunevndini um uppboðssøluna og veiðigjøld, sum er mett at geva millum 170 og 180 milliónir í landskassan næsta ár.
Úr Vinnunevndini kom tó einki álit fyri jól, og tí varð álitið hjá Fíggjarnevndini lagt fram beint áðrenn tingið fór til hús tollaksmessuaftan.
Løgtingið fer tí klokkan 10 í morgin at hava aðru viðgerð av fíggjarlógini.
Enn er ikki greitt, nær triða viðgerð verður, men hon má eisini vera hesa vikuna, tí fíggjarlógin kemur í gildi fyrsta januar.
Er kopiera
Nýggjastu sendingar í ÚV
Nýggjastu sendingar í SV
