Leiklistakvinna fekk virðisløn frá Klaksvík

01.01.2016 - 14:18
MentanLeiklist
Leiklistakvinna fekk virðisløn frá Klaksvík
Eyð Matras, leiklistakvinna, fekk í gjárkvøldið Listavirðisløn Nólsoyar Pálls, 75.000 kr.
Kommunan og vinnan í Klaksvík lata hvørt ár einum listafólki virðisløn.
 

Jógvan Skorheim, borgarstjóri, handaði Eyð Matras virðislønina, sum í gjár varð latin fyri triðju ferð.

Jógvan Skorheim segði millum annað, at Eyð Matras hevur lyft listina í Klaksvík upp á eitt yrkisstig.

Kommunan og vinnan

Listavirðisløn Nólsoyar Pálls, sum býráðið og vinnan í Klaksvík lata eina ferð um árið, varð stovnað í 2013. Tað árið fekk Hanus G. Johansen, vísusangari, virðislønina, og í 2014 fekk Edward Fuglø, myndlistamaður, virðislønina.  

Virðislønin fyri 2015 varð handað í gamla posthúsinum í Klaksvík, sum skal gerast eitt mentanarhús í býnum.

Um Eyð Matras segði Jógvan Skorheim millum annað, at "hon er ein úrmælingur á sínum øki, sum í nógv ár hevur ríkað føroyska mentanararvin, og sum vit eisini vænta at uppliva meira av í framtíðini. 

Hon hevur drúgvar og fjølbroyttar royndir í sínari listagrein, og hon hevur lyft listina í Klaksvík upp á eitt yrkisstøði við sínum fantastisku evnum til at rúnarbinda áskoðararnar. 

Hon er ein sannur einari, sum fylgir hjartanum heldur enn streyminum.

Og við einmansavrikum í heimsflokki hevur hon í fleiri umførum gjørt fortíðina livandi fyri okkum, við at sett sjóneykuna á avrik, sum okkara forfedrar hava megnað í gomlum døgum. 

Í hesum høpi hevur hon eisini víst fyrimyndarligar dygdir í at varpa ljós á undangongukvinnur, sum hava slóðað fyri við dirvi og árræði." 

Byrjaði sum teskari

Borgarstjórin segði eisini, at áhugin hjá Eyð Matras fyri sjónleiki vaknaði í Klaksvík. Her tók hon fyrstu fetini fram í móti pallinum sum 15 ára gomul. Tá slapp hon at royna seg sum teskari í Klaksvíkar Sjónleikarafelag. 

 
Nýggjastu sendingar í ÚV
Fríggjadag 24. januar
Morgunlesturin fríggjamorgunin 24. januar 2020
103001
Hósdag 23. januar
Breddin
103802
Hósdag 23. januar
Nón 23. januar 2020
103798
Hósdag 23. januar
Tríggir popparar hittast (3:3)
103794
Nýggjastu sendingar í SV
Hósdag 23. januar
Sí stuttfilmin: "Ikki illa meint"
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616
Sunnudag 19. januar
Møti úr Nerija á Skála
103557