- Tíðindi, mentan og ítróttur
Kommunan vil yvirtaka vegir
![](https://kvf.fo/sites/default/files/styles/grein-ovasta-mynd/public/torshavn-kort.jpg?itok=Bj7EToQz)
Fólk, sum eiga ein veg í Tórshavnar kommunu, kunnu nú sleppa av við hann, vilja tey tað. Kommunan býður sær til at yvirtaka privatar vegir frá teimum, sum søkja um tað.
Tá kommunan hevur yvirtikið ein veg, hevur kommunan skyldu til at halda vegin. Kommunan letur ikki pengar fyri privatar vegir, tí kommunan yvirtekur eina skyldu.
Nógv vita ikki av tí
Sambært býráðnum eru nógv, sum ikki vita, at tey eiga ein veg og hava skyldu til at halda hann og til dømis rudda kava av honum.
Okkurt um 440 fólk eiga ein veg ella part av vegi í Tórshavnar kommunu, skrivar kommunan á heimasíðuni, torshavn.fo
Tórshavnar kommuna kann yvirtaka allar privatar vegir, har fleiri enn eini hús eru, og tá fleiri fólk brúka vegin. Tá alt er talt við, eru 284 km av vegi í Tórshavnar kommunu, 75 km eru landsvegir.