Sjóvinnuhúsið til leigu ella sølu

Tórshavnar havn roynir nú at sleppa av við Sjóvinnuhúsið á Vestaru bryggju.

Sjóvinnuhúsið er lýst til sølu ella leigu. 

Bygningurin verður leigaður og seldur í einum, hann verður leigaður í upp í 30 ár.

Gólvvíddin er 7000 fermetrar, býttir millum fimm hæddir.

Bygningurin verður liðugt umvældur í summar.

Sjóvinnuhúsið verður ikki selt ella leigað uttan treytir. Siloin skal brúkast til matstovu, ráðstevnur, framsýningar ella annað, har sum almenningurin hevur atgongd.

Annars skal bygningurin brúkast til sjóvinnu, ferðavinnu, gransking, menning ella altjóða samstarv.

Og tey, sum hava hug at leiga ella keypa Sjóvinnuhúsið, hava freist til 7.mars á middegi at boða Tórshavnar havn frá.