Neistin er steypavinnari

Neistin vann 17-16 á VÍF í steypafinaluni. Í hálvleikinum var tað tó VÍF, sum var á odda 11-8.

Men Neistin fekk fatur á VÍF í seinna hálvleikinum. Serlig fingu tær steðga álopsspælinum.

Hesum skulu tær serliga takka dagsins leikara, Fríðu Petersen, fyri.

Málverjin hjá Neistanum hevði eitt bjargingarprosent á heili 54%.

Tá 50 sekund vóru eftir av dystinum var støðan 17-16, og VÍF fekk brotskast.

Mariann Holm Jacobsen kastaði, men Fríða hevði lúrt hana av og bjargaði við fótparadu.

Síðani helt Neistin upp á bóltin til tíðin var farin.

Fríða Petersen varð vald til besta leikara hjá Neistanum í dag.

Hjá VÍF bleiv Kate Dahl Frederiksen vald til besta leikara.

Neistin - VÍF 17-16 (8-11)

Marjun Danberg, Neistin, 6 mál

Marianna H. Jacobsen, VÍF, 5 mál