Botnfiskakvotan óbroytt í 2016

Føroysk línu- og snelluskip kunnu fiska til samans 5.600 tons av botnfiski í íslendskum sjógvi í ár. Tað er tað sama sum í 2015.

Av teimum 5.600 tonsunum kunnu í mesta lagi 1900 tons vera toskur og í mesta lagi 650 tons brosma. Ikki er loyvt at fiska kalva og svartkalva.

Sambært kunngerðini, sum Fiskimálaráðið hevur sent til hoyringar, kunnu í mesta lagi 20 línuskip vera til fiskiskap í íslendskum sjógvi í senn.