- Tíðindi, mentan og ítróttur
Fleiri eldri fólk arbeiða
Fleiri eldri fólk arbeiða
Fleiri og fleiri halda fram at arbeiða eftir at tey fylla 67 ár. Í fjør vóru 1132 fólkapenjónistar á arbeiðsmarknaðinum í Føroyum
Alsamt fleiri eldri føroyingar arbeiða. Í fjør vóru 1132 fólkapenjónistar á arbeiðsmarknaðinum í Føroyum
17.02.2016 - 09:12
Hetta eru fólk millum 67 og 74 ár. Talið veksur so líðandi, upplýsir Hagstovan. Í fjør fóru 83 fleiri pensjónistar til arbeiðis enn í 2014.
Fyri tíggju árum síðani, í 2005, arbeiddi fjórði hvør pensjónistur. Nú arbeiðir triði hvør. Annars eru 700 løntakarar lagstir afturat um árið seinastu tvey árini.
Í november í fjør vóru 24.946 løntakarar í Føroyum, 688 fleiri enn árið fyri. Hagstovan sigur, at afturgongdin, sum kom eftir fíggjarkreppuna í 2008, er vunnin innaftur.
Enn er tó nakað eftir til metið, sum er frá 2007. Tað árið vóru 26.000 løntakarar í Føroyum.
Er kopiera
Nýggjastu sendingar í ÚV
Nýggjastu sendingar í SV
