- Tíðindi, mentan og ítróttur
Viðgerðin av hjúnabandslógini heldur fram
Viðgerðin av hjúnabandslógini heldur fram
Trivnaðarnevndin fer aftur í dag at viðgera broytingarnar í hjúnabandslógini, sum hava til endamáls at loyva samkyndum at giftast borgarliga
Trivnaðarnevndin hjá Løgtinginum fer aftur í dag at viðgera broytingarnar í hjúnabandslógini. Kemur uppskotið ikki aftur úr nevndini áðrenn tingið fer til hús flaggdagin, fellur uppskotið burtur
29.03.2016 - 07:53
Tá málið var til aðru viðgerð 16. mars, samtykti ein stórur meiriluti í tinginum at beina tað aftur í Trivnaðarnevndina hjá Løgtinginum.
Milum annað tí at ósemja er um, hvussu reglan í hjúnabandslógini um signing í kirkjuni kann tulkast - um samkynd, sum eru vígd borgarlig, eisini kunnu krevja at verða signað í kirkjuni.
SÍ EISINI Broytingarnar í hjúnabandslógini framvegis í nevnd
Ætlanin er, at tingið skal fara til hús flaggdagin, og kemur uppskotið ikki aftur úr Trivnaðarnevndini, áðrenn tingið fer til hús, dettur tað burtur.
Men Katrin Kallsberg, forkvinna í Trivnaðarnevndini, hevur sagt við útvarpið, at hon ætlar, at málið um hjúnabandslógina skal leggjast aftur fyri tingið, áðrenn tað fer í summarfrí.
Er kopiera
Nýggjastu sendingar í ÚV
Nýggjastu sendingar í SV
